Brahmamudi Serial Today December 3rd : కొత్త ప‌ని మనిషి స్టెల్లా ఇంట్లో తెగ సంద‌డి చేస్తుంది. అయితే ఆమె ప‌నులు చేయ‌కుండా ఇంట్లో వారితోనే చేయిస్తూ ఉంటుంది. అయితే తాను వండిన వంట‌లు పది నిమిషాల్లోనే తినాలని లేకపోతే తినడానికి పనికిరావని చెప్తుంది. దీంతో అందరూ షాక్‌ అవుతారు. త్వరగా తినాలని.. పాస్ట్‌గా వడ్డించుకుని మొదటి ముద్ద తిని అందరూ ఫ్రీజ్‌ అయిపోతారు. దీంట్లో సాల్ట్‌ లేదే అని రాహుల్ అడగ్గానే నీకు బీపీ కావాలా..? సాల్ట్‌ కావాలా..? అని అడుగుతుంది స్టెల్లా. ఇక ఆయిల్ కూడా లేదేంటి అని ప్రకాష్‌ అడగ్గానే.. నీకు ఆయిల్ కావాలా..? కొలెస్ట్రాల్‌ కావాలా..? అని అడుగుతుంది స్టెల్లా.. ఇక రాజ్ ఇందులో టేస్ట్ లేదే అని అడగ్గానే నీకు టేస్ట్ కావాలా..? ప్రొటీన్స్‌ కావాలా అని ప్రశ్నిస్తుంది. ఆమె మాట‌ల‌కి అంద‌రు న‌వ్వుకుంటాడు.
ఇక కావ్య‌ని అడిగి కర్రీ చేయించుకుంటుంది స్వప్న.ఇంకెవరికైన కావాలా అంటే అవ‌స‌రం లేదంటాడు రాజ్. అయితే ముందే ట‌మాటా వేసినందు వ‌ల‌న ఇలా జ‌రిగిందని ప్ర‌కాష్‌పై అరుస్తాడు రాజ్. తినలేక చావలేక అన్నట్లు అవస్థలు పడుతుంటారు. ఇంతలో సీతారామయ్య ఎంటీ ఎక్కడో అన్నం ఉడుకుతున్న సౌండ్‌ వస్తున్నట్లుంది అంటాడు. నాన్న అది అన్నం ఉడుకుతున్న సౌండ్‌ కాదు సున్నం ఉడుకుతున్న సౌండ్‌ అంటాడు సుభాష్‌. ఇంతలో ప్రకాష్‌, రాహుల్, రాజ్ ముగ్గురు ఒక్కోక్కరుగా కడుపులో ఏదో రకంగా ఉందని తినకుండా వెళ్లిపోతారు. మీలాంటి బ్యూటిఫుల్‌ గర్ల్స్‌ కు కుకింగ్‌ తో పాటు ఇంకా చాలా టాలెంట్స్‌ ఉంటాయే అని అడుగుతాడు రాహుల్. ఎందుకలేవు నేను హెడ్‌ మసాజ్‌ చేయడంలో నేను స్పెషలిస్టును అంటుంది స్టెల్లా..
అప్పుడు నాక్కూడా మసాజ్‌ చేయోచ్చు కదా అని అడుగుతాడు రాహుల్ . ఎందుకు చేయను పేమేంట్‌ ఇస్తే కుక్కకైనా చేస్తాను అంటుంది స్టెల్లా..అప్పుడు స్టెల్లాకు డబ్బులు సెండ్‌ చేస్తాడు. ఇద్దరూ కలిసి బెడ్‌ రూంలోకి వెళ్తారు. రాహుల్ కూర్చుంటే స్టెల్లా మసాజ్‌ చేస్తుంది. ఇంతలో స్వప్న వచ్చి కోపంగా చీపురు తీసుకుని రాహుల్ ను కొడుతుంది.మధ్యలో అడ్డొచ్చిన స్టెల్లాను కొడుతుంది. స్టెలా కిందకు వస్తుంది. ప్రకాష్‌ కూడా స్టెల్లా అనుకుంటూ వెళ్లబోతుంటే ధాన్యలక్ష్మీ పట్టుకుంటుంది. రాజ్ వచ్చి ఏయ్‌ ఏమైంది అని అడుగుతాడు. స్టెల్లా రాజ్ వెనక్కి వచ్చి చెర్రి కాపాడు అని అడుగుతుంది. రాజ్ ఏమైంది స్వప్న అని అడగ్గానే ఇది వంట మనిషి కాదు. బజారు మనిషి రాహుల్ కు మసాజ్‌ చేస్తుంది. అంటూ మళ్లీ కొడుతుంటే స్టెల్లా అక్కడి నుంచి పారిపోతుంది.
ఇంతలో కొరియర్‌ బాయ్‌ వచ్చి కవర్‌ ఇచ్చి వెళ్తాడు. ఎవరికి వచ్చిందిరా అని సుభాష్‌ అడగ్గానే ఈ కళావతి ఇంటి అడ్రస్‌ నుంచి వచ్చింది డాడీ అని చెప్పగానే కావ్య ఆశ్చర్యంగా నేను ఇప్పుడే ఇంటి దగ్గర నుంచి వచ్చాను అక్కడి నుంచి కవర్‌ రావడం ఏంటి అని అడుగుతుంది. కవర్‌ ఓపెన్‌ చేసిన రాజ్ చదివి షాక్‌ అవుతాడు. డాడీ.. మమ్మీ నీకు డైవర్స్‌ ఇవ్వడానికి నోటీస్‌ పంపించింది అని చెప్తాడు. అప్పుడు సుభాష్‌ కూడా రాజ్‌ను తిడతాడు నువ్వు ఎన్ని వెధవ వేషాలు వేసినా భరించాను అంటాడు. దీంతో రాజ్ అమ్మ రేపే ఇంటికి వస్తుంది అని చెప్పి వెళ్లిపోతాడు. ఇంటికి వెళ్లిన కావ్య.. అపర్ణ, క‌న‌కాల‌ని తిడుతుంది. అప్పుడు నేనేమైనా పిచ్చిదాన్నా..? నాభర్తను వదిలేసి ఎలా ఉంటాను. నీ భర్తకు బుద్ది రావాలనే ఇలా చేశాను అంటుంది అపర్ణ. ఇదే దారి దొరికిందా మీకు అయినా మీ అబ్బాయి ఆడే తైతక్కల గురించి మీకు తెలియదు.ఆ మహానుభావుడు అనుకున్నది జరగడం కోసం ఎంతదూరం అయినా వెళ్తారు అంటుంది కావ్య.
