Kannada Actress Sobhita : చిత్ర ప‌రిశ్ర‌మ‌కి చెందిన చాలా మంది ఇటీవ‌లి కాలంలో సూసైడ్‌లు చేసుకొని అంద‌రిని బాధ‌పెడుతున్నారు. తాజాగా కన్నడ బుల్లితెర నటి శోభిత శివన్న సూసైడ్ చేసుకుంది. కన్నడ టీవీ సీరియల్ బ్రహ్మగంతు ఫేమ్ శోభితా శివన్న తన ఫ్లాట్‌లోనే విగతజీవిగా కనిపించింది. గచ్చిబౌలిలోని శ్రీరామ్ నగర్ కాలనిలో ఓ ఆపార్ట్ మెంట్‌లో తన భర్తతో కలిసి నివాసముంటున్న శోభిత.. ఇంట్లో ఫ్యాన్‌కు ఉరేసుకుని ఆత్మహత్య చేసుకుంది. నవంబర్ 30న రాత్రి భర్తకు ఆఫీస్ వర్క్ ఎక్కువగా ఉండటంతో.. తాను వేరే గదిలో పడుకునేందుకు వెళ్లగా.. ఉదయం సమయంలో ఎంత పిలిచినా డోర్ తీయలేదు. అనుమానం వచ్చిన తన భర్త.. డోర్ బద్దలుకొట్టి చూడగా.. ఫ్యాన్‌కు వేలాడుతూ కనిపించింది.
ఆ సమయంలో ఏం చేయాలో పాలుపోక తన దగ్గరి బంధువు, అపార్ట్మెంట్ ఓనర్‌కు ఫోన్ చేయగా.. హుటాహుటిన ఘటనా స్థలికి చేరుకుని.. వెంటనే పోలీసులకు సమాచారం ఇచ్చారు. పోలీసులు కేసు న‌మోదు చేసి మృతదేహాన్ని పోస్ట్ మార్టం నిమిత్తం శోభిత మృతదేహాన్ని ఉస్మానియా ఆస్పత్రికి తరలించారు.శోభిత సూసైడ్ చేసుకోవటంపై సర్వత్రా అనుమానాలు వ్యక్తమవుతున్నాయి. భార్యభర్తలిద్దరు సంతోషంగానే ఉన్నట్టుగా బంధువులు చెప్తున్నారు. అంతేకాకుండా.. తాజాగా ఇద్దరూ కలిపి గోవా ట్రిప్‌ కూడా వెళ్లొచ్చినట్టు తెలుస్తోంది. గోవా నుంచి వచ్చి ఒకటి రెండు రోజులే అవుతుందని.. గోవా నుంచి వచ్చిన తర్వాతే ఇలా చేసుకోవటం పలు అనుమానాలకు తావిస్తోంది. భార్యాభర్తల మధ్య ఏమైనా మనస్పర్థలు వచ్చాయా.. అందుకే క్షణికావేశంలో ఆత్మహత్య చేసుకుందా అనే అనుమానాలు వ్యక్తమవుతున్నాయి.
ఆత్మ‌హ‌త్యకి ముందు బెంగ‌ళూరులో ఉన్న తన ఫ్యామిలీతో చాలా సేపు మాట్లాడిన‌ట్టు తెలుస్తుంది. కన్నడ నటి శోభిత మృతి కేసులో విచారణ చేస్తున్న గచ్చిబౌలి పోలీసులకు ఘటనా స్థలంలో సూసైడ్ నోటు లభ్యమైంది. ఆ సూసైడ్ నోట్లో ‘మీరు చావాలి అనుకుంటే యు కెన్ డు ఇట్’ అని రాసుకున్న శోభిత.. సూసైడ్ నోటు ఆధారంగా కుటుంబ సభ్యులు ఇచ్చిన ఫిర్యాదు మేరకు అన్ని కోణాల్లో పోలీసులు దర్యాప్తు చేస్తున్నారు. కాగా, శోభిత శివన్న హాసన్‌లోని సకలేష్‌పూర్‌లో గ్రాడ్యుయేషన్ పూర్తి చేసి బెంగళూరుకు వచ్చింది. దాదాపు శోభిత 12కి పైగా కన్నడ సీరియల్స్‌లో నటించింది. అందులో చిదపాట, మంగళగౌరి, కోగిలే, బ్రహ్మగంతు, కృష్ణ రుక్మిణి, దీపవు నిందే గుడ్గియు నిందే, అమ్మవారు, మణెదేవ వంటి అనేక సీరియల్స్‌లో నటించారు. కన్నడ సినిమాలో రెండు మూడు సినిమాల్లో కూడా నటించింది.
